आमच्या ग्रामपंचायतीबद्दल

पांगरी गाव माण तालुक्याच्या उत्तरेस दहिवडी-फलटण मुख्य रस्त्यावर सुमारे १० किलोमीटर अंतरावरती आहे. धनगर समाजाचे आराध्य दैवत श्री बिरोबा मंदिर प्रसिद्ध असून ते प्राचीन आहे. या ठिकाणी देव दर्शनास राज्यासह इतर राज्यातील भाविक येत असतात धनगरी गजीनृत्य, ओव्या, उंबरा, जेवण यासाठी प्रसिद्ध क्षेत्र आहे. गावची लोकसंख्या २००० चे दरम्यान आहे. भौगोलिक क्षेत्र पठाराची जमीन असून ओढा, तलाव पाण्याचे स्रोत पूर्णता निसर्गाच्या पाण्यावर अवलंबून आहे. या गावात अंगणवाडी, जिल्हा परिषद प्राथमिक शाळा, हायस्कूल, आश्रम शाळा अशा शैक्षणिक सुविधा आहेत. ग्रामपंचायत कार्यालय, तलाठी कार्यालय, पोस्ट ऑफिस, सोसायटी ऑफिस अशी कार्यालय आहे. गावात एकूण ३ वार्ड असून सदस्य संख्या ९ इतकी असते. सरपंच पद थेट पद्धतीने निवड केली आहे. संगणक परिचालक, ग्राम रोजगार सेवक, ग्रामपंचायत कर्मचारी असा कर्मचारी वर्ग कार्यरत आहे. आरोग्य सेवक, कृषी सहाय्यक, अशा सेविका, अंगणवाडी सेविका इत्यादी कार्यरत आहेत.